* వెన్నవల్లి గుట్ట వద్ద విషాదం!
*తవ్వకాల్లో ఒక్కసారిగా కుప్పకూలిన మట్టి*మట్టి కింద చిక్కుకుని జేసీబీ డ్రైవర్ దుర్మరణం
*పెద్ద కోరుకొండి–వెన్నవల్లి మధ్య ఘటన
*నిబంధనలకు విరుద్ధంగా తవ్వకాలు జరిగాయా?*అధికారుల పర్యవేక్షణపై గ్రామస్తుల ప్రశ్నలు?*
*ఘటనపై సమగ్ర విచారణకు డిమాండ్!*
ఖమ్మం జిల్లా | కల్లూరు మండలం, అక్షిత మీడియా::ఖమ్మం జిల్లా కల్లూరు మండలం వెన్నవల్లి గ్రామ శివారు గుట్ట వద్ద విషాదం.. మట్టి కింద జేసీబీ డ్రైవర్ దుర్మరణంకల్లూరు మండల పరిధిలోని పెద్ద కోరుకొండి–వెన్నవల్లి గ్రామాల మధ్య ఉన్న వెన్నవల్లి గుట్ట వద్ద విషాదకర ఘటన చోటుచేసుకుంది. గుట్ట చుట్టూ సొరంగం తరహాలో తవ్వకాలు చేపట్టిన సమయంలో ఒక్కసారిగా మట్టి కుప్పకూలడంతో అక్కడ పనిచేస్తున్న జేసీబీ డ్రైవర్ మట్టిలో చిక్కుకుని దుర్మరణం చెందినట్లు స్థానికులు తెలిపారు.వెన్నవల్లి గుట్ట వద్ద గత కొన్ని నెలలుగా తవ్వకాలు జరుగుతున్నప్పటికీ సంబంధిత అధికారులు తగిన చర్యలు తీసుకోలేదని గ్రామస్తులు ఆరోపిస్తున్నారు. ప్రమాదకర పరిస్థితుల్లో తవ్వకాలు కొనసాగుతున్నాయని పలుమార్లు ఆందోళన వ్యక్తం చేసినా పట్టించుకోలేదని వారు వాపోతున్నారు.ఈ ఘటనతో పెద్ద కోరుకొండి, వెన్నవల్లి గ్రామాల్లో విషాదం నెలకొంది. గుట్ట తవ్వకాలకు అనుమతులు ఉన్నాయా? నిబంధనలకు విరుద్ధంగా తవ్వకాలు జరిగాయా? ప్రమాదకర పరిస్థితుల్లో పనులు కొనసాగడానికి కారణమేంటి? అనే ప్రశ్నలు స్థానికంగా వ్యక్తమవుతున్నాయి.మైనింగ్ శాఖ అధికారులు ఘటనపై సమగ్ర విచారణ చేపట్టి, తవ్వకాలకు సంబంధించిన అనుమతులు, భద్రతా నిబంధనల అమలు, ప్రమాదానికి దారితీసిన పరిస్థితులపై స్పష్టత ఇవ్వాలని గ్రామస్తులు కోరుతున్నారు.అయితే, అధికారులపై ముడుపుల ఆరోపణలు లేదా వ్యక్తిగత ప్రయోజనాల ఆరోపణలకు ప్రస్తుతం స్వతంత్ర నిర్ధారణ అవసరం ఉంది. ఈ ఆరోపణలపై సంబంధిత అధికారులు, గుట్ట యజమానుల వివరణ వెలువడాల్సి ఉంది.జేసీబీ డ్రైవర్ మృతికి బాధ్యులెవరు? ప్రమాదకర తవ్వకాలకు అనుమతులు ఎలా వచ్చాయి? అధికారులు ముందస్తు చర్యలు ఎందుకు తీసుకోలేకపోయారు? అనే అంశాలపై సమగ్ర దర్యాప్తు జరగాల్సిన అవసరం ఉందని గ్రామస్తులు కోరుతున్నారు.వెన్నవల్లి గుట్ట ఘటనపై అధికారుల పూర్తి స్థాయి విచారణతోనే వాస్తవాలు వెలుగులోకి రావాల్సి ఉంది.